കേരള മുസ്ലിം നവോത്ഥാന പ്രവർത്തനങ്ങളിൽ ഒരു നൂറ്റാണ്ട് കാലമായി പ്രവർത്തിക്കുന്ന ആദർശ പ്രസ്ഥാനമാണ് കേരള നദ് വത്തുൽ മുജാഹിദീൻ - KNM പരിശുദ്ധ ഖുർആനും പ്രവാചക തിരുചര്യ(സുന്നത്ത് ) യും പ്രമാണമാക്കിയാണ് ഈ പ്രസ്ഥാനം പ്രവർത്തിക്കുന്നത്. കേരള മുസ് ലിംകളുടെ സർവ്വതോൻ മുഖമായ പരിഷ്ക്കരണ സംരഭങ്ങൾക്ക് ക്രിയാത്മകമായ നേതൃത്വം നൽകി.ഇന്ത്യയുടെ സ്വാതന്ത്രസമരത്തിൽ മുന്നണിയിൽ ഉണ്ടായിരുന്ന മഹാരഥൻമാരിൽ പലരും ഈ സംഘത്തിൻ്റെ ആദ്യകാല നേതാക്കൻമാരായിരുന്നു. പൗരോഹിത്യത്തിനും അന്ധവിശ്വാസങ്ങൾക്കും ആത്മീയ ചൂഷണങ്ങൾക്കുമെതിരെ ശക്തമായ പ്രബോധനം നിർവ്വഹിച്ചു. ഫാസിസ്റ്റ് -തീവ്രവാദ പ്രവർത്തനങ്ങൾ മതത്തിനും മാനവികതക്കും എതിരാണെന്ന ബോധം ശക്തമായി പ്രചരിപ്പിച്ച് കേരള ജനതയെ പ്രബുദ്ധരാക്കി. സ്ത്രീ വിദ്യാഭ്യാസമുൾപ്പെടെയുള്ള ശാക്തീകരണങ്ങളിൽ ഇടപെട്ട് മുസ് ലിം സ്ത്രീകൾക്ക് ഔന്നിത്യം പകർന്നു. മതസഹിഷ്ണതയും മതേതര മൂല്യങ്ങളുടെ പരിരക്ഷയും പ്രസ്ഥാനം പ്രാധാന്യപൂർവ്വം പരിഗണിച്ചു.ISM,MSM,MGM, IGM എന്നീ യുവ, വനിത, വിദ്യാർത്ഥി, വിഭാഗങ്ങളുടെ മാതൃസംഘടനയായി പ്രവർത്തിക്കുന്ന ഈ ആദർശസംഘം KNM മർക്കസുദഅവ എന്ന് അറിയപ്പെടുന്നു.

PROCEED